Deputetja e Kuvendit të Kosovës nga radhët e Partisë Demokratike, Blerta Deliu – Kodra, ka thënë se e kupton zhgënjimin e qytetarëve pas deklaratave të komisionerit Johannes Hahn se për kosovarët nuk ka liberalizim vizash as këtë vit.

Këto komente Deliu-Kodra i dha gjatë seancës së sotme të jashtëzakonshme pasi shefi i grupit parlamentar të LDK-së Avdullah Hoti, bëri kërkesë që Qeveria Haradinaj të dorëhiqet, njofton Klan Kosova.

”Kosova ka përmbushur 95 kritere. Është proces tejet i ndarë procesi i përafrimit të Kosovës në Bashkimin Europian”.

”E kuptoj mllefin e qytetarëve nga deklatatat e Johannes Hahn ku hapur u tha se Kosova s’do të ketë liberalizim deri më 2020”.

”Ne kemi deklaruar vetëm atë cfarë na e kanë thënë gjatë takimeve, këtë e dijnë edhe opozita”.

”Është lajm i keq që nuk jemi pjesë e Këshillit, presim që proceduralisht të përfshihemi e që të ketë një autorizim sa i përket fillimit të dialogut”.

”Ne do të vazhdojmë që të kemi kërkesë të qartë që shtetet të cilat kanë hezitime të kenë qëndrim të ndryshëm”.